नेपाली क्रिकेट टिमका स्टार सन्दीप लामिछाने अहिले दुई दिवसीय जय ट्रफी खेलिरहेका छन्। सन्दीपले प्रतियोगितामा बागमती प्रदेश टिमको कप्तानी गरिरहेको छ।
उनको कप्तानीमा रहेको टिमले जय ट्रफीका दुवै खेलमा बराबरी खेलेको छ। उसले जनकपुरस्थित रामजनकी अन्तर्राष्ट्रिय क्रिकेट मैदानमा भएको खेलमा मधेश प्रदेश र त्रिभुवन आर्मीसँग बरारबी खेलेको हो।
२ खेल सकिएपछि बागमतीका कप्तान सन्दीप लामिछानेले अम्पायरिङमाथि प्रश्न उठाएका छन्। शुक्रबार सामाजिक सञ्जालमार्फत सन्दीपले अम्पायरको निर्णयमा प्रश्न उठाउँदै अम्पायरिङको स्तरमा उल्लेखनीय सुकार आवश्यक रहेको बताएका छन्।
उनले समयै आवश्यक कदम नचालिए गतल निर्णयका कारण खेलाडीले पीडा भोग्नु पर्ने बताएका छन्।
‘मैले यो कुरा भन्नु हुँदैन, तर नेपालको अम्पायरिङको स्तरमा उल्लेखनीय सुधार आवश्यक छ। यो धेरै समयदेखि स्थिर छ, र यदि आवश्यक कदम चालिएन भने गलत निर्णयहरूको कारणले धेरै खेलाडीहरूले भविष्यमा पनि पीडा भोग्नुपर्नेछ,’ सन्दीपले सामाजिक सञ्जालमा लेखेका छन्।
आफूहरुले कप्तानको रिपोर्टमा यी कुराहरु उल्लेख गरेपनि कुनै परिवर्तन नभएको सन्दीपले लेखेका छन्। खेल र खेलाडीको विकासमा गुणस्तरीय अम्पायरिङ महत्वपूर्ण रहेको उनले लेखेका छन्।
सन्दीपले सामाजिक सञ्जालमा खेलेका छन्– ‘हामी कप्तानको रिपोर्ट अम्पायरलाई दिन्छौं, तर कुनै परिवर्तन भएको देख्दिनँ। खेलको निष्पक्ष विकास र खेलाडीहरूको प्रगतिको लागि अम्पायरिङको गुणस्तर सुधार गर्नु अत्यन्त महत्त्वपूर्ण छ। आशा छ, सम्बन्धित अधिकारीहरूले यस विषयलाई ध्यान दिनेछन् र आवश्यक सुधारतर्फ काम गर्नेछन्।