सूर्य तामाङले स्पिनरको जादु चलाएपछि प्रधानमन्त्री कप एकदिवसीय क्रिकेटमा बागमती प्रदेश विजयी भएको छ। शनिबार दाङको देउखुरमिा भएको खेलमा सूर्यको घातक बलिङपछि बागमतीले कोशी प्रदेशमाथि १३१ रनको सानदार जित निकाल्यो।
२४१ रनको लक्ष्य पछ्याएको कोशी २५.३ ओभरमा १०९ रनमै अलआउट भयो। उसका लागि आइस भट्टराईले ३७m सुजन थपलियाले २५ र फिर्दोश अन्सारीले २४ रन बना बनाउनु बाहेक अन्यले दोहोरो अंकमा स्कोर बनाउन सकेनन्।
बागमतीको इनिङ धरासायी बनाउने क्रममा सूर्य तामाङले ९ ओभरमा २७ रन दिएर ५ विकेट लिए। अघिल्लो पिएम कपमा सर्वाधिक विकेट टेकर सूर्यको यो जारी प्रतियोगिताको पहिलो पाँच विकेट हल हो। यस्तै, रिजन ढकालले ३ तथा साकार गजुरेलले २ विकेट लिए।
त्यसअघि पहिले ब्याटिङ गरेको बागमतीले ४९.३ ओभरमा अलआउट हुँदै २४० रन बनायो। सबै ब्याट्सम्यानले योगदान दिँदा उसले ठूलो योगफल बनायो। उसका शुभ कंसाकारले ३९, आशुतोष घिरैयाले २९ तथा इशान पाण्डे र बिपिन आचार्यले समान २५ रन बनाए।
बलिङमा कोशीका सुजन थपलिया र प्रकाश कार्कीले समान २ विकेट लिए।
अघिल्लो सिजन शीर्ष चारमा रहेको बामगतीले यो सिजन भने खराब प्रदर्शन गरिरहेको छ। ऊ ७ खेलमा ३ जित निकाल्दै ६ अंकसहित छैठौं स्थानमा छ। उसको शीर्ष चारमा रहँदै जय ट्रफी खेल्ने सम्भावना भने कायमै छ। यता, १ जित मात्रै निकालेको कोशी भने पुछारमा छ।