इटाली पहिलो पटक आईसिसी टि–२० विश्वकपमा पुगेको छ। यरोपियन छनोटमा दोस्रो स्थानमा रहँदै इटालीले पहिलो पटक विश्वकपमा क्रिकेटमा स्थान बनाएको हो।
अन्तिम खेलमा इटाली छनोटको आयोजक स्कटल्यान्डसँग ९ विकेटले पराजित भएपनि ऊ तालिको दोस्रो स्थानमा रह्यो। ५ खेलमा २ जित निकालेको ऊ ५ अंकसहित दोस्रो स्थानमा रह्यो।
केही समयअघिबाट मात्र क्रिकेट खेल्न थालेको इटालीको यो ठूलो सफलता हो। उसको टिममा अस्ट्रेलिया र इंग्ल्यान्डका खेलाडीको बाहुल्यता छ। उनीहरुसँग दुवै देशका घरेलु क्रिकेट खेलेको राम्रो अनुभव छ । त्यसैको फाइदा उसलाई भयो।
यता, इटालीलाई हराएको नेदरल्यान्ड्स पनि शीर्ष स्थानमा रहँदै विश्वकपमा पुग्यो।
यता, एसोसिएट्सको अर्को बलियो टिम स्कटल्यान्ड भने विश्वकपमा पुग्न असफल भयो। अन्तिम खेलमा ऊ जर्सीसँग १ विकेटले पारजित भएपछि ऊ विश्वकपमा पुग्न असफल भएको हो। इटालीसँग पनि पराजित भएको स्कटल्यान्डले १ खेल मात्र जितेको थियो।
यता, जर्सी भने इटालीसँग रनरेटमा पछि परेपछि विश्वकपमा पुग्न सकेन।