स्टार खेलाडीहरु पेनाल्टीमा चुकेपछि क्रिष्टियानो रोनाल्डोको टिम अल नासर एसियन च्याम्पयिन्स लिगको क्वाटरफाइनलबाटै बाहिरिएको छ।
सोमबार राति भएको खेलमा अल नासर युएइएको क्लब अल एइनसँग पेनाल्टी सुटआउटमा ३–१ले पारजित भयो।
क्वाटरफाइनलमा पहिलो खेलमा अल एइन १–०ले विजयी भएको थियो भने सोमबार राति भएको दोस्रो लेगको निर्धारित समयमा अल नासर ३–२ले विजयी भएको थियो। त्यसपछि खेल अरिक्त समयमा भएको थियो। त्यसमा दुवै टिमले गोल गरे पछि खेल ४–४को बराबरीमा आएको थियो।
तर, पेनाल्टीमा अल नासरका मार्सेल ब्रोजोभिच, एलेक्स टेलेस र ओटाभियो गोल गर्न चुक्दा टिम हार ब्यहोर्न बाध्य भयो। उसका रोनाल्डोले मात्र गोल गरे। अल एइनका सोउफिएन रहिमी, काकु र सुल्तान अल साम्सीले गरेको प्रहार गोल गरेका थिए।
त्यसअघि निर्धारित समयमा अल नासरका टेलेस र अब्दुलरमन घरिबले गोल गरेका थिए भने एक गोल आत्मघाती भएको थियो। अल एइनका रहिमीले २ गोल गरेका थिए। त्यसपछि अतिरिक्त समयमा एइनका सुल्तान अल साम्सीले गोल गर्दा अल नासरका रोनाल्डोले गोल गरेका थिए।