क्रिस्टियानो रोनाल्डोको कप्तानीमा रहेको अल नासरले साउदी प्रो लिगमा पहिलो हार व्यहोरोको छ। शुक्रबार राति भएको खेलमा अल नासर सुरुआती अग्रता जोगाउन नसक्दा अल क्वादसियसँग २–१ले पराजित भयो।
खेलमा क्वादसियका लागि जुलियन क्युनोनेस र पिर्रे अमेरिक औबामियाङले गोल गरे भने अल नासरका रोनाल्डोको गोल गरेका थिए।
३२औं मिनेट रोनाल्डोले गोल गर्दै अल नासरलाई अग्रता दिलाए। तर, त्यसको ४ मिनेटपछि नै अल क्वासिदले बराबरी गोल फर्कायो। उसका क्युनोनेसले गोल गरेका थिए।
पहिलो हाफ १–१को बराबरीमा सकियो। ५०औं मिनेटमा औबामियाङले गोल गर्दै क्वादसियलाई खेलमा अग्रता दिलाए। त्यसपछि गोल नहुँदा क्वादसिय विजयी भयो।
यो हारपछि पनि उ तेस्रो स्थानमै छ। उसले ११ खेलमा २२ अंक जोडेको छ। शीर्ष स्थानको अल हिलालको २७ र दोस्रो स्थानको अल इत्तिहादको २४ अंक छ। क्वादसिय भने १५ अंकसहित पाँचौं स्थानमा छ।