अखिल नेपाल फुटबल संघ (एन्फा) ले शहिद स्मारक ‘बी’ डिभिजन लिगको तालिका सार्वजनिक गरेको छ। तीन वर्षपछि हुन लागेको ‘बी’ डिभिजन लिग ३ महिनासम्म खेलाइनेछ। एन्फाले सार्वजनिक गरेको तालिका अनुसार ‘बी’ डिभिजन लिग फागुन २५ गतेबाट सुरु हुनेछ।
लिगमा १४ टोलीले एक अर्कासँग सिंगल राउण्ड रोबिनमा खेल्नेछन्। २०८१ जेठ २५ गतेसम्म चल्ने लिगमा ९१ खेल हुनेछन्। उद्घाटन खेल च्यासल युथ क्लब र वीरगन्ज युनाइटेडबीच हुने तय भएको छ।
११ राउन्ड सम्मको खेल सातदोबाटो स्थित एन्फा कम्प्लेक्सको मैदानमा हुनेछ भने अन्तिम २ राउन्डको समय र खेल्ने मैदान पछि तय हुने एन्फाले जनाएको छ।
हेर्नुहोस् एन्फाले सार्वजनिक गरेको तालिकाः