नेपाली राष्ट्रिय टिमका स्टार स्ट्राइकर अञ्जन विष्ट घरेलु फुटबलमा क्लब परितर्वन गरेका छन्।
चर्च बोइज युनाइटेडलाई पहिलो सिजन नै ए डिभिजन लिग च्याम्पियन बनाउन महत्वपूर्ण भूमिका खेलका अञ्जन न्युरोड टिम (एनआरटी)मा आबद्ध भएका छन्।
राष्ट्रिय टिमका स्टार स्ट्राइकर क्लबमा आबद्ध भएको एनआरटीले सामाजिक सञ्जालमार्फत जानकारी दिएको छ। मंसिर २२ गतेबाट सुरु हुने इलाम गोल्डकपमा अञ्जन नेपालको पुरानो र सफल क्लब एनआटीको जर्सीमा देखिने छ।
अञ्जनको सम्झौता रकम भने खुलाइएको छैन। उनले एनआरटीबाट मोफसफलका प्रतियोगिताहरू खेल्नेछन्।
उनी पछिल्लो संस्करणको ए डिभिजन लिगको ठीकअघि मनाङमर्स्याङ्दी क्लबबाट चर्च बोइज आएका थिए। उनले अन्तिम पटक २ साताअघि भारतमा भएको गभर्नस गोल्डकपमा चर्च बोइजबाट खेलेका थिए।