आर्सनल इंग्लिस प्रिमियर लिग तालिकाको शीर्ष स्थानमा उक्लिएको छ। शनिबार राति भएको खेलमा वुल्भ्सलाई उसकै मैदानमा २–०ले हराउँदै आर्सनल शीर्ष स्थानमा उक्लिएको हो।
वुल्भ्सलाई हराएसँगै आर्सन ३३ खेलमा ७४ अंकसहित शीर्ष स्थानमा उक्लिएको हो। एक खेल कम खेलेको म्यान्चेस्टर सिटी ७३ अंकसहित दोस्रो स्थानमा छ।
उल्भ्सविरुद्ध महत्वपूर्ण तीन अंक दिलाउनका आर्सनलका लिनार्दो ट्रोसार्ड र कप्तान मार्टिन ओडेगार्डले गोल गरे।
खेलको ४५औं मिनेटमा गोल गर्दै ट्रोसार्डले पहिलो हाफअघि आर्सनललाई १–० को अग्रता दिलाएका थिए। त्यसपछि दोस्रो हाफको इन्जुरी समयमा ओडेगार्डले गोल गर्दै आर्सनलको जित सुनिश्चित गरे।
गएराति नै भएको अन्य खेलमा लुटन टाउनलाई ५–१ ले हराउँदै ब्रेन्टफोर्ड १४औं स्थानमा उक्लिएको छ । यस्तै १९औं स्थानको बर्नलेले २०औं स्थानको सेफिल्ड युनाइटेडलाई ४–१ ले हरायो।