नकआउट फुटबल प्रतियोगिता कारबाओ कपमा आर्सनल पराजित भएको छ। मंगलबार राति इमिरेन्ट्स रंगशालामा भएको सेमिफाइलनको पहिलो लेगमा आर्सनल न्युकासलसँग २–०ले पराजित भयो।
घरेलु मैदानमै २–०ले पराजित भएपछि आर्सनल प्रतियोगिताबाट बाहिरिने खतरा बढेको छ।
घरेलु मैदानमा आर्सनललाई माथ दिने क्रमममा अलेक्जेन्डर इशाक र एन्टोनी गोर्डनले गोल गरे। उसले दुवै हाफमा समान १ गोल गरेको थियो।
इसाकले ३७औं मिनेटमा गोल गरेपछि न्युकासलले सुरुआती अग्रता लियो। पहिलो हाफ १–०मै सकियो।
दोस्रो हाफको सुरुआतमै न्युसकालले अग्रता दोब्बर बनायो। ५१औं मिनेटमा उसका गोर्डनले गोल गरेका थिए। खेलमा त्यसपछि गोल नहुँदा न्युकासल विजयी भयो।
सेमिफाइनलको दोस्रो लेग फेब्रुअरी ६ मा हुनेछ।
अर्को सेमिफाइनलमा आज राति लिभरपुल र टोटनहम भीड्ने छन्। खेल टोटनहमको मैदानमा हुनेछ।