बार्सिलोन स्पेनिस ला लिगको शीर्ष स्थानमा उक्लिएको छ। सोमबार राति भएको खेलमा रियल सोसिडाडमाथि ४–०को फराकिलो जित निकाल्दै बार्सिलोना शीर्ष स्थानमा उक्लिएको हो।
यो जितसँगै बार्सिलोनाले शीर्ष स्थानमा १ अंकको अग्रता बनाएको छ। २६ खेलमा बार्सिलोनाको ५७ अंक छ भने एट्लेटिको मड्रिडको ५६ तथा तेस्रो स्थानकोृ रियल मड्रिडको ५४ अंक छ।
बार्सिलोनाको जितमा जेरार्ड मार्टिन, मार्क कासाडो, रोनाल्ड अराउजो र रोबर्ट लेवान्डोस्कीले गोल गरे। बार्सिलोनाले दुवै हाफमा २(२ गोल गरेको थियो ।
१७औं मिनेटमा अरिज एलुस्टोन्डोले रातो कार्ड पाएपछि सोसिडाड १० खेलाडी समेटिएको थियो। त्यसपछि खेलमा बार्सिलोना हावी भएको थियो।
२५औं मिनेटमा मार्टिनको गोलमा खेलमा बार्सिलोना अग्रता लियो। २९औं मिनेटमा कासाडोले बार्सिलोनाको अग्रता दोब्बर बनाए। त्यसपछि ५६औं मिनेटमा अराउजो र ६०औं मिनेटमा लेवान्डोस्कीले गोल गरेपछि बार्सिालेना ४–०ले विजयी भयो।