डिफेन्डिङ च्याम्पियन बार्सिलोनाले ला लिगामा विजयी सुरुआत गरेको छ। शनिबा राति भएको खेलमा उसले ९ खेलाडीमा समेटिएको रियल मालोर्कामाथि ३–०को जित निकाल्यो।
उसका लागि राफिन्हा, फरान टोरेस र लमिन यमालले गोल गरे। बार्सिलोनाले पहिलो हाफमा २ र दोस्रो हाफमा १ गोल गरेको थियो।
सातौं मिनेटमा राफिन्हाले बार्सिलोनालाई अग्रता दिलाए। उनले लमिन यमालको पसामा गोल गरेका थिए। २३औं मिनेटमा टोरेसले बार्सिलोनाको अग्रता दोब्बर बनाए।
त्यसपछि २ गोलले पछि परेको मार्लोका ६ मिनेट अन्तरमा ९ खेलाडीमा समेटियो। ३३औं मिनेटमा मानु मार्लनेस र ३९औं मिनेटमा भेदात मुरिकले सिधै रातो कार्डा पाएका थिए।
९ खेलाडीमा समेटिएपछि दबाबमा आएपछि मालोर्काले उत्कृष्ट प्रदर्शन गर्दै बार्सिलोनालाई ९० मिनेटसम्म रोकेको थियो। इन्जुरी समयको चौथो मिनेमा यमालले गोल गरेपछि बार्सिलोना ३–०ले विजयी भयो।
अन्य खेलमा भिल्लारियलले ओविाडोलाई २–० र अलाभेसले लेभान्टेलाई २–१ले हराउँदा भ्यालेन्सिया र रियल सोसिडाडले १–१को बराबरी खेले।