स्पेनिस ला लिगमा बार्सिलोनाले विजयी सुरुआत गरेको छ। शनिबार राति भएको खेलमा बार्सिलोनाले भ्यालेन्सियामाथि २–१को पुनरागमन जित निकाल्यो।
बार्सिलोनालाई पुनरामगन जित दिलाउन पोलिस रोवर्ट लेवान्डोस्कीले उत्कृष्ट प्रदर्शन गर्दै दुई गोल गरे। भ्यालेन्सिायका ह्युगो डुरोले गोल गरेका थिए।
घरेलु मैदानमा डुरोले ४४औं मिनेटमा गोल गर्दै भ्यालेन्सियालाई सुरुआती अग्रता दिलाएका थिए। तर पहिलो हाफको इन्जुरी समयमा बार्सिलोनाले खेललाई बराबरीमा ल्यायो। उसका लागि लेवान्डोस्कीले लमिल यमालको पासमा गोल गरेका थिए।
दोस्रो हाफमा सुरुमै बार्सिलोनाले अग्रता लियो। बार्सिलोनाका राफिन्हालाई भ्यालेन्सियाका डिफेन्डरले फाउल गरेपछि प्राप्त पेनाल्टीमा ४९औं मिनेटमा लेवान्डोस्कीले गोल गरेका थिए। त्यसपछि गोल नहुँदा बार्सिलोना विजयी भयो।
अन्य खेलमा सेल्टाभिगोले अलाभेसलाई २–१ले हराउँदा सेभिया र लस पाल्मसले २–२ गोलको बरारबी खेलेका छन्।