यो सिजना उत्कृष्ट फर्ममा रहेको क्लब हो, बोर्नेमाउथ। सिजनको पहिलो हाफ सकिँनै लाग्दा बोर्नेमाउथ पाँचौं स्थानमा छ।
यसक्रममा उसले ठूला क्लबहरू म्यान्चेस्टर सिटी, आर्सनल, टोटनहमलाई पराजित गरिसकेको छ। यसैक्रममा उसले अर्को ठूलो क्लब म्यान्चेस्टर युनाइटेडलाई पनि हराएको छ।
आइतबार राति भएको खेलमा बोर्नेमाउथले युनाइटेडलाई ३–०ले हरायो। उसका लािग डिअन हुज्सेन, जस्टिन कुलवर्ट र एन्टोनियो सेमेन्योले गोल गरेका थिए।
खेलमा २९औं मिनेटमा हुज्सेनको गोलमा बोर्नेमाउथले अग्रता लियो। पहिलो हाफ १ गोल गरेको उसले दोस्रो हाफमा २ गोल गरेको थियो।
६१औं मिनेटमा पेनाल्टीमा कुलवेर्टले गोल गर्दै टिमको अग्रता दोब्बर बनाए। यस्तै, सेमेन्योले ६३औं मिनेटमा गोल गरेपछि खेल बोर्नेमाउथले ३–०को जित निकाल्यो।
जितपछि १७ खेलमा २८ अंकसहित बोर्नेमाउथ पाँचौं स्थानमा छ भने युनाइटेड २२ अंकसहित १३औं स्थानमा छ।