स्पेनिस क्लब रियल मड्रिडका विंगर ब्राहिम डियाजले मोरक्कोबाट अन्तर्राष्ट्रिय फुटबल खेल्ने भएका छन्।
फर्ममा रहँदा पनि स्पेनिस राष्ट्रिय टिम पर्न छाडेपछि २४ वर्षीय डियाजले मोरक्कोबाट खेल्ने निर्णय गरेका हुन्।
डियाजले स्पेनबाट सन् २०२१मै डेब्यू भने गरिसकेका छन्। लिथुवानियविरुद्ध उनले डेब्यूमै गोल पनि गरेका थिए।
मोरक्कोले यसैसाता २ मैत्रीपूर्ण खेल खेल्दैछ। प्रशिक्षक वालिद रेग्रागुइकै आग्रहमा मोरक्कोबाट खेल्न राजी भएका डियाज मैत्रीपूर्ण खेलका लागि घोषणा गरिएको टिममा परेका छन्।
सम्भवतः शनिबा हुने एंगोलाविरुद्धको खेलमा डियाजले मोरक्कोका लागि डेब्यू गर्नेछ।
अहिले उत्कृष्ट फर्ममा रहेका डियाजले ३२ खेलमा ८ गोल गरिसकेका छन्। अहिले उनी रियलका महत्वपूर्ण खेलाडी हुन्।