जर्मन बुन्डेस लिगामा तीन ठूला क्लबहरु बायर्न म्युनिख, बोरुसिया डर्टमन्ड र बायर लेभरकुसन तीनै पराजित भएका छन्। तीनै टिम घरमा पराजित भएका हुन्।
शनिबार राति भएको खेलमा बायर्न बोचुमसँग पराजित हुँदा डर्टमन्ड अग्सबर्ग र लेभरकुसन वेन्डरसँग पराजित भयो।
घरेलु मैदानमा भएको खेलमा १० खेलाडीमा समेटिएको बायर्न बोचुमसँग ३–२ले पराजित भयो। खेलमा बायर्नले २ गोलको अग्रता जोगनउन नसकेको हो।
बायर्नका लागि दुवै गोल राफाइल गुइरेरोले गरेका थिए। १४ र २८औं मिनेटमा गोल गर्दै टिमलाई २–०को अग्रता दिलाएका थिए। यसबीचमै बायर्नले पेनाल्टीमा गोल गर्न सकेन। २७औं मिनेटमा सर्ज गनाब्री पेनाल्टीमा चुकेका थिए।
३१औं मिनेटमा जकोभ मेडिचले गोल गर्दै बोचुमलाई खेलमा फर्काए। ४२औं मिनेटमा जोआ पालिन्हाले रातो कार्ड पाएपछि बायर्नका दबाबमा आएको थियो।
दोस्रो हाफमा २ गोल गर्दै बोचुम खेलमा फर्किएको थियो। उसका इब्राहिम सिसोकोले ५१ र माटुस बेरोले ७१औं मिनेटमा गोल गरेका थिए।
यस्तै, डर्टमन्ड पनि घरेलु मैदानमै अग्सबर्गसँग १–०ले पराजित भयो। खेलमा जेफ्री गोउवेलेउले २३औं मिनेटमा गरेको गोल नै निर्णायक बन्यो।
अर्को खेलमा लेभरकुसन पनि घरमै वेन्डरसाग २–०ले पराजित भयो। खेलमा बेन्डरका लागि ७औं मिनेटमा रोमानो स्मिड र दोस्रो हाफको इन्जुरी समयको चौथो मिनेटमा जुस्टिन नजिमले गोल गरेका थिए।
बुन्डेस लिगामा बायर्न २५ खेलमा ६१ अंकसहित बायर्न शीर्ष स्थानमा छ भने लेभकुसन ५३ अंकसहित दोस्रो स्थानमा रहँदा डर्टमन्ड ३५ अंकसहित १०औं स्थानमा छ।