आरसी–३२ ले सहिद स्मारक लिग ‘सी’ डिभिजनमा बुधबार प्रभावशाली जित निकालेको छ । सातदोबाटोस्थित एन्फा कम्प्लेक्समा भएको खेलमा उसले वाग्मतीलाई सजिलै ३–० ले हरायो ।
आरसीको यो लगातार दोस्रो जित हो र टिम दुई खेलबाट ६ अंकसहित प्रारम्भिक लिग तालिकाको शीर्षमा रह्यो । आफ्नो पहिलो खेल जितेको वाग्मतीको भने यो पहिलो हार हो र टिम तीन अंकमै सीमित रह्यो ।
आरसीका लागि विवेक सन्तोषीले दुई गोल गरे भने एक गोल बबिन बोहराको नाममा रह्यो । बबिनले १० औं मिनेटमा पहिलो गोल गरेपछि विवेकले २९ र ६८ औं मिनेटमा गोल थपे ।