सहिद स्मारक लिग ‘सी’ डिभिजनमा आरसी–३२ले लागतार तेस्रो जित निकालेको छ। मंगलबार सातदोबाटोको एन्फा कम्प्लेक्समा भएको खेलमा आरसी–३२ महावीर क्लबलाई १–० ले हरायो।
यस जितमा विवेक राईले निर्णायक गोल गरे । विवेक सन्तोषीको सुरुआती फ्रि–किकलाई महावीरका गोलरक्षक आशिब राईले राम्रोसँग नियन्त्रणमा लिन सकेनन् र त्यसमै फुत्केको बलमा विवेकले गोल गरेका हुन्।
यो जितसँगै ३ खेलमा ९ अंक जोड्दै शीर्ष स्थानमा छ। यसअघिका दुवै खेल बराबरी खेलेको महावीर क्लबका्े अंक मात्र छ।
मंगलबार नै भएको अर्को खेलमा बागमती युवा क्लबलेले सामाजिक युवा क्लबलाई लाई २–० ले हरायो।
उसका लागि निर्मल बलले सातौं मिनेटमा पहिलो गोल गरेपछि श्याम धिमालले ३४ औं मिनेटमा दोस्रो गोल थपे । सामाजिक भने एकं अंकमा सीमित छ र यो तेस्रो खेलमा उसको दोस्रो हार हो । सामाजिक रेलिगेसनमा क्षेत्रमा पनि रहेको छ।
यो सफलतापछि उसको बागमतीको ६ अंक छ। र, उ तेस्रो स्थानमा उक्लिएको छ।