स्पेनिस क्लब रियल मड्रिडका इटालियन प्रशिक्षक कार्लो एन्सोलोटी वर्षको उत्कृष्ट प्रशिक्षक बनेका छन्।
कतारमा आयोजित भव्य समारोहबीच फिफाले एन्सोलोटीलाई वर्षको उत्कृष्ट प्रशिक्षक घोषणा गरेको हो। एन्सोलोटीको प्रशिक्षणमा रियलले अघिल्लो सिजन च्याम्पियन्स लिग र ला लिगा उपाधि जितेको थियो।
यसक्रममा उनले म्यान्चेस्टर सिटीका पेप ग्वार्डिओला, स्पेनका लुइस डे फोन्टे, बायर लेभरकुसनका जाभी ओलन्सोलगायतलाई पछि पारे।
यस्तै, फिफा वेस्ट गोलकिपर अर्जेन्टिनी गोलपिकर इमिलानो मार्टिनेजले जितेका छन्। उनले म्यान्चेस्टर सिटीका इडर्सनल रियलका आन्द्रे लुनियन, आर्सनका डेविड रेया, स्पेनका उनाई सिमोन लगायतलाई पछि पारे।
म्यानचेस्टर युनाइटेडका अर्जेन्टिनी स्ट्राइकर एलेजान्ड्रो गर्नाचोले पुस्कास अवार्ड जितेका छन्। अघिल्लो सिजन गरेको उत्कृष्ट गोलका लागि पुस्कास अवार्ड पाएका हुन्। उनले प्रिमियर लिगमा एभरटनविरुद्ध बाइसाइकल किक गोलका लागि यो अवार्डा पाएका हुन्।
फिफाले यही वर्षबाट महिला लागि पनि उत्कृष्ट गोलको अवार्ड छुट्याएको छ। जसको नाम ब्राजिलियन लिजेन्ड मार्टाको नामबाट ‘मार्टा अवार्ड’ राखिएको छ। यो अवार्ड मार्टा आफैंले प्राप्त गरिन्। उनले मैत्रीपूर्ण खेलमा जमैकाविरुद्ध गरेको गोलका लागि आफ्नै नामको अवार्ड प्राप्त गरेकी हुन्।