च्याम्पियन्स लिगको नयाँ सिजनको ड्र सार्वजनिक भएको छ। ३६ टिम सहभागी हुने प्रतियोगितामा लिग चरणमा प्रत्येक टिमले ८ खेल खेल्ने छन्, जसमा आफ्नै देशको टिम भने हुने छैनन्।
ड्र अनुसार स्पेनिस क्लब क्लब रियल मड्रिडसँग समूह चरणमा दुई ठूला इंग्लिस क्लबहरु लिभरपुल र म्यानचेस्टर सिटीलाई प्रतिद्वन्द्वीका रुपमा पाएको छ। लिभरपुलसँग उसकै मैदानमा खेल्दा सिटीसँग बर्नाबेउमा खेल्नेछ।
यता, डिफेन्डिङ च्याम्पियन पिएसजीले बार्सिलोना, बायर्न म्युनिख, न्युकासलजस्ता ठूला क्लबसँग खेल्नुपर्ने भएको छ। लिभरपुलले एट्लेटिको मड्रिड र इन्टर मिलानसँग पनि खेल्नेछ भने सिटीले नापोली र बोरुसिया डर्टमुन्डसँग खेल्ने छ।
यता, क्लब विश्वकप विजेता चेल्सीले बार्सिलोना र बायर्न म्युनिखसँग खेल्नेछ भने आर्सनलले पनि बायर्न र इन्टर मिलानलाई भेट्नेछ ।
लिग चरणका खेलहरू सेप्टेम्बर १६ बाट सुरु हुने छन् भने सन् २०२६ को जनवरी २८ मा लिग चरण सकिएर नकआउट चरण सुरु हुनेछ ।
प्रत्येक टिमले ८ खेल खेलेपछि अंकतालिकामा शीर्ष ८ टिम सोझै अन्तिम १६ मा प्रवेश गर्नेछन्। अन्य १६ टिमले अन्तिम १६मा पुग्न प्लेअफ खेल्ने छन्।
कुन टिमले काेसँग खेल्दैछन् ?
