च्याम्पियन्स लिगको पहिलो खेलमा इंग्लिस क्लब आर्सनल बराबरीमा रोकिएको छ। बिहीबार राति भएको खेलमा आर्सनल इटालियन क्लब एट्लान्टासँग गोलरहित बराबरीमा रोकिएको हो।
घरेलु मैदानमा एट्लान्टाले आर्सनलमाथि दबाब बनाएको थियो। उसले ५४ प्रतिशत बल पोजेसन बनाउँदै ८ सट प्रहार गर्दा २ सट फ्रेममा थियो। यता, आर्सनलले ६ सटमध्ये २ सट मात्र फ्रेममा हानेको थियो।
खेलमा आर्सनलाई गोलकिपर डेविड रायाले हारबाट जोगाए। दोस्रो हाफमा थोमस पार्टेले इडर्सनलाई डिबक्समा फाउल गरेपछि एट्लान्टाले पेनाल्टी पाएको थियो। माटेयो रेटेगुइको प्रहार राया बचाए। त्यसपछि रिबान्डमा पुनः रेटेगुइले प्रहार गरे, त्यो पनि रायाले बचाएका थिए।
अर्को खेलमा स्पेनिस क्लब एट्लेटिको मड्रिडले आरबी लाइपजिगविरुद्ध २–१ को पुनरागमन जित निकालेको छ।
एट्लेटिकोलाई जित दिलाउन एन्टोइन ग्रिजमन र जोजे मारिया जिमेनेजले गोल गरे। पाहुना टिमका बेन्जामिन सेस्कोले गोल गरेका थिए।
खेलको चौथो मिनेटमा सेस्कोले गोल गर्दै लाइपजिगलाई अग्रता दिलाए। तर, २८औँ मिनेटमा एन्टोइनले गोल गर्दै एट्लेटिकोलाई खेलमा फर्काए। बराबरीतर्फ उन्मूख खेलको अन्तिम मिनेटमा गिमेनेजले निर्णायक गोल गरेपछि एट्लेटिकोले विजयी भयो।