चेल्सी एफए कपको चौथो चरणबाट बाहिरिएको छ। म्यानचेस्टर सिटीले भने पछाडि परेको अवस्था उल्टाउँदै कमब्याक जीत हात पारेको छ।
ब्राइटनसँग २–१ ले पराजित भएपछि चेल्सी प्रतियोगिताबाट बाहिरिएको हो। चेल्सीले खेलको ५औं मिनेटमा अग्रता लिएको थियो। बार्ट भरब्रुग्गेनको आत्मघाती गोलमा चेल्सीले अग्रता लिएको थियो।
तर, खेलको १२औं मिनेटमा ब्राइटनले बराबरी गोल फर्कायो। जर्जिनियो रुटरले गोल गर्दै ब्राइटनलाई खेलमा फर्काएका थिए। यस्तै, काओरु मिटोमाले ५७औं मिनेटमा गोल गर्दै ब्राइटनलाई जित दिलाए।
म्यानचेस्टर सिटीले लेटन ओरियन्टविरुद्ध जीत निकालेको हो। खेलको १६औं मिनेटमा ओरियन्टले मैदानको बीचबाट आकर्षक गोल गर्दै खेलमा अग्रता लिएको थियो। सिटीले आफ्ना दुवै गोल दोस्रो हाफमा गरेको थियो। सिटीको जीतमा अब्दुकोदिर खुसानोभले ५६औं मिनेटमा तथा केभिन डे ब्रुनले ७९औं मिनेटमा गोल गरेका थिए।
एफए कप अन्तर्गतकै अर्को खेलमा म्यानचेस्टर युनाइटेडले पनि विजयी भएको छ। युनाइटेडले लेसेस्टर सिटीलाई २–१ ले पराजित गरेको हो। बबि रिडले ४२औं मिनेटमा गरेको गोलमा अग्रता लिएको लिसेस्टरविरुद्ध युनाइटेडले पनि कमब्याक गरेको थियो। युनाइटेडलाई जीत दिलाउन जोसुआ जिर्कजी तथा ह्यारी मग्वायरले क्रमशः ६८औं तथा ९३औं मिनेटमा गोल गरे।
यसैगरी, लिड्स युनाइटेड मिलवालसँग २–० ले पराजित भयो भने इप्सविच युनाइटेडले कोभेन्ट्रीलाई ४–१ ले पराजित गर्यो। प्रेस्टनले वाइकोम्बेविरुद्ध पेनाल्टी सुटआउटमा ४–२ को जीत निकाल्दा ३–३ गोलको बराबरीपछि कार्डिफ सिटीले स्टोक सिटीलाई पेनाल्टी सुटआउटमा ४–२ ले विजयी भयो।
साउथह्याम्पटन बर्नलीसँग १–० ले पराजित भयो भने बोर्नेमाउथले एभर्टनको चुनौती २–० ले पाखा लगायो। विगान एथ्लेटिकलाई फुलह्यामले २–१ ले पराजित गर्यो भने बर्मिङघमविरुद्ध न्यूक्यासलले ३–२ को रोमाञ्चक जित हात पार्यो।