इक्वेडर र भेनेजुएला कोपा अमेरिका फुटबलको अन्तिम ८मा प्रवेश गरेका छन्। समूह बीबाट भेनेजुएला विजेता र इक्वेडर उपविजेताका रुपमा क्वार्टरफाइनल प्रवेश गरेका हुन्।
समूह चरणको अन्तिम खेलमा मेक्सिकोलाई गोलरहित बराबरीमा रोक्दै इक्वेडर अन्तिम ८मा पुगेको हो। यता, मेक्सिको भने समूह चरणबाटै बाहिरिएको।
यता, भेनेजुएलालाले भने समूहमा लागतार तेस्रो जित निकाल्दै छ। सोमबार बिहान भएको खेलमा उसले जमैका माथि ३–०को जित निकाल्यो। खेलमा भेनेजुएलाका लागि इडुआर्ड बेलो, सोलोमन रोन्डोन र इरिक रामिरेजले गोल गरेका थिए।
समूह बीमा भेजेजुएलाले ३ जितसहित ९ अंक जोड्दा इक्वेडर र मेक्सिकोको समान ४ अंक थियो। तर, गोल अन्तरमा अघि रहँदै इक्वडेर दोस्रो र मेक्सिको तेस्रो भयो। जमैका भने अंकबिहीन र्हयो।
अब भेनेजुएलाले क्वार्टरफाइनलमा समूह ‘ए’को उपविजेता क्यानडासँग खेल्ने छ भने इक्वेडरले समूह ‘ए’को विजेता अर्जेन्टिनाविरुद्ध खेल्नेछ।