इजिप्ट अफ्रिका कप अफ नेसन्सको नकआउट चरणमा प्रवेश गरेको छ। सोमबर राति भएको खेलमा केप भार्डसँग २–२ गोलको बराबरी खेल्दै इजिप्ट नकआउटमा पुगेको हो।
खेलमा इजिप्टका लागि ट्राजुगेृट र मौसुफा मोहम्मदले गोल गरेका थिए भने भार्डका गिल्सन टावारेस र बार्यन सिल्भाले गोल गरेका थिए।
समूह बीमा भार्ड ७ अंकसहित शीर्ष स्थानमा रहँदै नकआउटमा पुग्यो भने लागतार तेस्रो बराबरी खेलेको इजिप्ट उपविजेता बन्यो ।
यता, यही समूहमा रहेको घाना भने प्रतियोगिताबाट बाहिरिने खतरा बढेको छ। सोमबार राति नै घाना मोजाम्बिकसँग बराबरीमा रोकिएको थियो।
समूहमा तेस्रो हुने टिमको उत्कृष्ट चारमा रहन सकेमात्रै उ नकआउट पुग्ने छ। अहिले पाँचौं स्थानमा रहेको घानालाई नकआउट पुग्न जाम्बिया या अल्जेरिया अन्तिम खेलमा २ गोलअन्तरले पराजित हुनुपर्नेछ।