इंग्लिस प्रिमियर लिगमा फुलहम विजयी भएको छ। शनिबार राति भएको खेलमा फुलहमले टोटनहयामलाई ३–०ले हरायो।
फुलहमको जितमा रोड्रिगो मुनेजले २ गोल तथा सा लुकीले एक गोल गरे। खेलको ४२औं मिनेटमा एन्टोनी रोविनसनको पासमा मुनेजले गोल गर्दै फुलहमलाई अग्रता दिलाए।
४९औं मिनेटमा लुकीले टिमोटी कास्टेग्नेले गोल गरेपछि फुलहमले अग्रता दोब्बर बनायो। ६१औं मिनेटमा मुनेजले व्यक्तिगत दोस्रो गोल गरेपछि फुलहम ३–०ले विजयी भयो।
जितसँगै फुलहम ३८ अंकका साथ तालिकाको १२औं स्थानमा छ भने पराजित भएको टोटनहम ५३ अंकका साथ तालिकाको पाँचौं स्थानमा छ।
प्रिमियर लिगकै अर्को खेलमा बर्नलेले ब्रेन्टफोर्डलाई २–१ ले हरायो। ब्रेन्टफोर्ड आठौं मिनेटमा १० खेलाडीमा समेटिएको थियो। सर्जियो रिगुलियन रातो कार्ड पाउँदै मैदान छाडेका थिए।
त्यसपछि पाएको पेनाल्टीमा बर्नलेका ज्याकोब लार्सेनले गोल गर्दै अग्रता दिलाए । ६२ औं मिनटमा डेभिड फोफानाले गोल गर्दै बर्नलेको अग्रता दोब्बर पारेका थिए।
८३ औं मिनेटमा क्रिष्टोफोर अजेरले ब्रेन्टफोर्डका लागि गोल गर्दै अन्तर कम गरे पनि हार टार्न सकेनन्। प्रिमियर लिग तालिकामा बर्नले १९ औं तथा ब्रेन्टफोर्ड १५ औं स्थानमा छ।