इंग्लिस प्रियिमर लिगमा आर्सनलले संघर्षपूर्ण जित निकालेको छ। आइतबार राति भएको खेलमा आर्सननले चेल्सीमाथि १–०को संघर्षपूर्ण जित निकालेको हो।
प्रतिस्पर्धात्म खेलका आर्सनलाई जित दिलाउन २०औं मिनेटमा मिकेल मोरिनोले गोल गरेका थिए। त्यसपछि थप गोल नहुँदा आर्सनल विजयी भयो।
जितसँगै आर्सननले शीर्ष स्थानको लिभरपुलसँगको दुरी १२ अंकमा झारेको छ। समान २९ खेलमा लिभरपुलको ७० र आर्सनलको ५८ अंक छ। चेल्सी ४९ अंकसहित चौथो स्थानमा छ।
यस्तै, अर्को खेलमा टोटनहम पराजित भएको छ। यो सिजन खराब प्रदर्शन गरिरहेको टोटनहम फुलहमसँग २–०ले पराजित भयो। फुलहमका लागि रोड्रिगो मुनिज र रायन सेसेग्नोनले गोल गरे।
फुलहम ४५ अंकसहित आठौं स्थानमा छ। यता, जारी सिजन लिगमा टोटनहमको यो १५औं हार व्यहोरेको टोटनहम ३४ अंकसहित १४औं स्थानमा छ।
अर्को खेलमा म्यान्चेस्टर युनाइटेड विजयी भएको छ। आइतबार राति भएको खेलमा उसले रेलिगेसन जोनमा रहेको लेस्टर सिटीमाथि ३–०को जित निकाल्यो। युनाइटेडका लागि रास्मस होइल्यान्ड, अलेजान्द्रो गर्नाचो र ब्रुनो फर्नान्डेसले गोल गरे।
युनाइटेड ३७ अंकसहित १३औं स्थानमा छ भने लेस्टर सिटी १७ अंकसहित १९औ. स्थानमा छ।