न्युजिल्यान्ड तेस्रो पटक फिफा विश्वकपमा

24 Mar, 2025

न्युजिल्यान्ड सन् २०२६ मा अमेरिका, क्यानडा र मेक्सिकोमा हुने फिफा विश्वकपका लागि छनोट भएको छ।

ओसिआना क्षेत्रको छनोटको उपाधि जित्दै न्युजिल्यान्डले विश्वकपमा स्थान पक्का गरेको हो।

सोमबार दिउँसो भएको खेलमा फाइनलमा न्युजिल्यान्डन्यु क्याल्डोनियालाई ३–०ले हरायो। न्युजिल्यान्डका लागि मिचेल बोक्सल, बोस्टा बारबारौसेस र एलआईजा जस्टले गोल गरेका थिए।

छनोट चरण पार गरेर विश्वकप पुग्ने न्युजिल्यान्ड दोस्रो टिम हो। यसअघि एसियाबाट जापानले विश्वकपमा स्थान बनाएको थियो।

न्युजिल्यान्ड तेस्रो पटक विश्वकपमा पुगेको हो। यसअघि उसले सन् १९८२ र सन् २०१०को विश्वकप खेलेको थियो। दुवै पटक ऊ समूह चरणमै रोकिएको थियो।