डच डिफेन्डर जेरमी फ्रिम्पोङ इंग्लिस क्लब लिभरपुलमा आबद्ध भएका छन्। लिभरपुलले २४ वर्षीय फ्रिम्पोङलाई जर्मन क्लब बायर लेभरकुसेनबाट ६० मिलियन युरोमा अनुबन्ध गरेको हो।
फ्रिम्पोङले लिभरपुलसँग ५ वर्षको सम्झौता गरेका छन्। उनलाई लिभरपुलले ट्रेन्ट अलेक्जेन्डर आर्नोल्डको रिप्लेसमेन्टको रुपमा अनुबन्धन गरेको हो । आर्नोल्ट सिजनको अन्त्यसँगै फ्रि ट्रान्सफरमा रियल मड्रिड जाने छन्।
लेभरकुसेनमा उत्कृष्ट प्रदर्शन गरिरहेका फ्रिम्पोङले यो सिजन ३२ खेलमा ४ गोल र ९ असिस्ट गरेका छन्। जाभी ओलन्सोको प्रशिक्षणमा उनले लेभरकुसेनमा उत्कृष्ट प्रदर्शन गरेका थिए।
उनले नेदरल्यान्ड्सको राष्ट्रिय टिमका लागि पनि १५ खेल खेलिसकेका छन्, र युरो २०२४ मा उनको प्रदर्शनले धेरैको ध्यान खिचेको थियो।
फ्रिम्पोङले लिभरपुल जस्तो ठूलो क्लबमा आउन पाउनु आफ्नो सपना भएको बताउँदै ट्रफी जित्न र फ्यानहरूलाई खुसी बनाउन चाहेको बताए।