नवनियुक्त प्रशिक्षक थिएगो मोटाको प्रशिक्षणमा युभेन्ट्सले लिगमा उत्कृष्ट सुरुआत गरेको छ। उसलले सिरि एमा लागतार दोस्रो जित निकलोको छ।
सिरी ए अन्तर्गत सोमबार राति भएको खेलमा युभेन्टसले भेरोनालाई ३–० ले हरायो। उसका लािग डुआन भ्लाहोभिच २ र निकोलो साभोनाले गोल गरे।
भेरोनाको मैदानमा युभेन्टसले २८औं मिनेटमा अग्रता लिएको थियो। भ्लाहोभिचले केनन एल्डिजको पासमा गोल गरेका थिए। ३९औं मिनेटमासाभोनाले स्यामुएल जर्मेन तासिफुन्डाको पासमा गोल गर्दै टिमको अग्रता दोब्बर बनाए।
पहिलो हाफ २–०मा सकिएको खेलमा दोस्रो हाफको सुरुआतमै युभेन्टसले अर्को गोल थप्यो। ५३औं मिनेटमा भ्लाहोभिचले पेनाल्टीमा गोल गरेका थिए ।
त्यसपछि थप गोल नहुँदा युभेन्टस विजयी भयो। भेरोनाको भने यो पहिलो हार हो।
यस्तै, सिरि ए कै अर्को खेलमा काग्लीअरी र कोमोले १–१ गोलको बराबरी खेलेका छन्।