आयोजक केपी ओली एफसी सेमिफाइनलमा, एनआरटी बाहिरियो

24 Feb, 2025

आयोजक केपी ओली एफसी ‘केपी ओली कप फुटबल’को सेमिफाइनलमा प्रवेश गरेका छन्।

ललितपुर सादोबाटोस्थित एन्फा कम्प्लेक्समा सोमबार साँझ भएको खेलमा न्युरोड टिम (एनआरटी०लाई १–०ले हराउँदै आयोजक टिम सेमिफाइनलमा पुगेको हो।

केपी ओली एफसीलाई जित दिलाउने क्रममा सुरजज्यू ठकुरीले निर्णायक गोल गरे। पहिलो हाफ गोलरहित बराबरीमा सकिएको खेलमा उनले ६३औँ मिनेटमा गोल गरेका थिए। त्यसपछि गोल नहुँदा आयोजक टिम विजयी भयो।

अब आयोजक टिमले सेमिफाइनलमा मछिन्द्र क्लब र एफसी ट्रान्सपोर्ट युनाइटेडबीचको विजेतासँग खेल्नेछ।

प्रतियोगिताअन्तर्गत मंगलबार पनि दुई खेल नै हुनेछन्। पहिलो खेल साढे ११ बजे एपिएफ क्लब र संकटा क्लबबीचको पहिलो सेमिफाइनल हुनेछ।

यस्तै, दिउँसो ३ बजे हुने क्वार्टरफाइनलको अन्तिम खेलमा मछिन्द्र र ट्रान्सपोर्ट युनाइटेड भीड्ने छन्।