स्पानिस ला लिगामा गएराति भएको खेलमा एट्लेटिको मड्रिड भियारियलसँग बराबरीमा रोकिएको छ। वान्डा मेटनेपोलिटानोमा एट्लेटिकोले २ पटक पछि परेको अवस्थामा खेलमा २–२को बराबरी गरेको हो।
खेलको १८औं मिनेटमा अर्नाउट डान्जुमाले गोल गर्दै भियारियललाई अग्रता दिलाएका थिए। तर दुई मिनेटमैपछि नै मार्कुस लरेन्टोले एन्टोइन ग्रिजमनको पासमा एट्लेटिकोका लागि बराबरी गोल फर्काए ।
३७औं मिनेटमा एट्लेटिकोका कोकेलेल आत्मघाती गोल गर्दा भियारियलले २(१ को अग्रता लिएको थियो। तर पहिलो हाफको इन्जुरी टाइमको पाँचौ मिनेटमा अलेजान्द्रो सोर्लोथले पाब्लो बारिसको पासमा गोल गर्दै खेल २–२ को बराबरीमा ल्याए ।
त्यसपछि दोस्रो हाफमा दुवैतर्फबाट गोल नहुँदा खेल २–२ कै बराबरीमा सकियो।
यही खेलमार्फ जुलियन अल्भारेज, रोविन ले नोर्मान्ड र एलेक्जेन्डर सोर्लोथले एट्लेटिकोका लागि डेब्यू गरे। नोर्मान्ड र सोर्लोथ पहिलो रोजाईमै थिए भने अल्भारेज दोस्रो हाफमा मैदान छिरेका थिए।