यो सिजन उत्कृष्ट प्रदर्शन गरेको बायर लेभरकुसनले सिजनको दोस्रो उपाधिका लागि जर्मन कपको उपाधि जितेको छ।
बर्लिनस्थित ओलम्पिया स्टाडियनमा शनिबार राति भएको फाइनलमा काइजरस्लाटनलाई १–०ले हराउँदै लेभरकुसनले जर्मन कपको उपाधि जितेको हो।
लेभरकुसनले उपाधि दिलाउने क्रममा ग्रानिट जाकाले निर्णायक गोल गरे। उनले १७औं मिनेटमै गोल गरेका थिए।
४४औं मिनेटमा लेभरकुसन १० खेलाडीमा समेटिएपनि उसले सुरुआती अग्रता जोगाउन सफल भयो। उसका डिफेन्डर ओडिलोन कोसोनोउले रातो कार्ड पाएका थिए।
लेभरकुजनले दोस्रो पटक जर्मन कपको उपाधि जितेको हो । यसअघि लेभरकुजनले सन् १९९३ मा जर्मन कप जितेको थियो। उसले यो उसले इतिहासकै पहिलो बुन्डेसलिगा उपाधि पनि जितेको छ।
लेभरकुसन यो सिजन १ खेल मात्र हारेको छ। युरोपा लिग फाइनलमा एटलान्टासँग ३–० ले पराजित भएपछि उसको ट्रेबल जित्ने सपना पुरा भएन।