अर्न स्लटको टिम लिभरपुलले सिजनको दोस्रो हार व्यहोरोको छ। स्लटको प्रशिक्षमा यो सिजन उत्कृष्ट लयमा रहेको लिभरपुल सिजनको दोस्रो हार ब्यहोर्ने क्रममा बुधबार राति भएको खेलमा टोटनहमसँग १–०ले पराजित भयो।
टोटनहमकै मैदानम भएको यो खेल कारबाओ कपको सेमिफाइनलको पहिलो लेग थियो। योसँग टोटनहमले फाइनल पुग्ने सम्भावना केही बलियो बनाएइको छ। तर, त्यसका लागि उसलाई फेब्रुअरी ६ मा हुने दोस्रोमा लिभरपुललाई एन्डफिल्डमा कम्तिमा बराबरीमा रोक्नुपर्ने छ।
टोटनहामको जितमा खेलको ८६औं मिनेटमा लुकास बर्गभालले गोल गरेका थिए। त्यसअघि ७९औं मिनेटमा गरेको गोललाई भिएआरले मान्यता दिएको थिएन।
यसअघि पहिलो सेमिफाइनलको पहिलो लेगमा न्युकासलले आर्सनललाई २–० ले हराएको थियो।
टोटनहामले २००८ यता कपको उपाधि जित्न सकेको छैन। लिभरपुलले सर्वाधिक १० पटक ईएफएल कपको उपाधि जित्दा म्यानचेस्टर सिटीले ८ र युनाइटेडले ६ पटक जितेका छन्।