डिफेन्डिङ च्याम्पियन म्यान्चेस्टर सिटीले आफ्नो खराब लयलाई निरन्तरता दिएको छ। शनिबार राति भएको खेलमा ऊ एस्टन भिल्लासँग २–१ले पराजित भयो।
प्रिमियर लिगमा सिटीको पछिल्ला ८ खेलमा छैठौं हार हो। खराब लयबाट गुज्रिरहेको सिटी यो हारसँगै छैठौं स्थानमा झरेको छ। उसको १७ खेलमा २७ अंक मात्र छ।
खेलको भिल्लाका लागि जोन डुरान र मोर्गन रोजर्सले गोल गरेका थिए भने सिटीका लागि फिल फोडेनले गोल गरेका थिए।
१६औं मिनेटमा डुरानको गोलमा भिल्लाले सुरुआती अग्रता लियो। ६५औं मिनेटमा रोजर्सले गोल गर्दै भिल्लाको अग्रता दोब्बर बनाए। इन्जुरी समयको तेस्रो मिनेटमा सिटीका लागि फोडेनले गोल गरेका थिए।
त्यसपछि खेलमा गोल नहुँदा सिटी पराजित भयो। जितपछि भिल्ला २८ अंकसहित पाँचौं स्थानमा उक्लिएको छ।
यस्तै अर्को खेलमा आर्सनलले सहज जित निकालेको छ। उसले शनिबार राति भएको खेलमा क्रिस्टल प्यालेसमाथि ५–१को जित निकाल्यो।
खेलमा आर्सनललाई जित दिलाउन ग्याब्रिअल जेसुसले २ गोल गरे भने काइ हाभर्ट्ज, ग्याब्रिअल मार्टिनेली र डेक्लन रइस गोल गरेका थिए। यता, क्रिस्टल प्यालेसका इस्माइल सारले गोल गरेका थिए।
यस्तै, अन्य खेलमा नटिङ्हम फरेस्टले ब्रेन्टफोर्डलाई २–०ले हराउँदा न्युकासलले इपस्विच टाउनमाथि ४–०को जित निकाल्यो। यता, वेस्टह्याम र ब्राइटनले १–१गोलको बराबरी खेलेका छन्।