इंग्लिस प्रिमियर लिगमा म्यान्चेस्टर सिटी घरेलु मैदानमै बराबरीमा रोकिएको छ। शनिबार राति भएको खेलमा सिटी ब्राइटनसँग २–२ को बराबरीमा रोकिएको हो।
खेलमा दुई पटकको अग्रता जोगाउन नसक्दा सिटी अंक बाँड्न बाध्य भयो।
सिटीका लागि एर्लिङ हालान्ड र ओमार मरमौसले गोल गरे ब्राइटनका लागि पर्भिस इस्टुपिनाले गोल गर्दा अर्को गोल आत्मघाती भएको थियो।
११औं मिनेटमा हालान्डको गोलमा सिटीले अग्रता लियो। उनले पेनाल्टीमा गोल गरेका थिए। २१औं मिनेटमा स्टुपिनाले गोल गर्दै खेललाई बराबरीमा ल्याए। ३९औं मिनेटमा मारमौसले गोल गर्दै पुनः सिटीलाई अग्रता दिलाए।
तर, दोस्रो हाफको सुरुआतमै ब्राइटनले खेललाई बराबरीमा ल्यायो। ४८औं मिनेटमा सिटीका डिफेन्डर एब्डुकोडिर खुसनोभले आफ्नै पोस्टमा गोल गरेका थिए। त्यसपछि गोल नहुँदा सिटी अंक बाँड्न बाध्य भयो।
बराबरीपछि सिटी २९ खेलबाट ४८ अंकसहित पाँचौं स्थानमा छ भने ब्राइटन ४७ अंकसहित सातौं स्थानमा छ।
अन्य खेलहरूमा नोटिङहाम फरेस्टले एप्सविच टाउनलाई ४–२ गोलअन्तरले हराउँदा वुल्भ्सले साउथह्याम्पटनलाई २–१ ले हरायो। वेस्टह्याम र एभर्टनले १(१ को बराबरी खेले ।