म्यान्चेस्टर सिटी यो सिजन निकै खराब फर्ममा छ। पेप ग्वार्डिओलाको प्रशिक्षणकै खराब लयमा रहेको सिटीले आगामी सिजन च्याम्पियन्स लिगमा छनोट हुनेमा पनि शंका गर्न थालिएको छ।
यसअघि लगातार चार प्रियिमर लिग उपाधि जितेको सिटी यो सिजन उपाधि होडबाट आधा सिजन नहुँदै बाहिरिसकेको थियो। अहिले ऊ शीर्ष चारमा रहन संघर्ष गरिरहेको छ।
यो जिन २८ खेलमा ९ खेल हारेको सिटी ४७ अंकसहित चौथो स्थानमा छ। आजै हुने खेलमा चेल्सी विजयी भए ऊ पाँचौं स्थानमा झर्ने छ।
यो जिन सिटीको उपाधिको सम्भावना एफए कपमा मात्र बाँकी छ। ऊ एफए कपको सेमिफाइनलमा पुगेको छ। जहाँ उसले इनफर्म बोर्नेमाउथको सामाना गर्नेछ।
खराब लयमा रहेको सिटी शनिबार भएको खेलमा अर्को इनफर्म क्लब नटिङ्हम फरेस्टसँग १–०ले पराजित भयो। ८३औं मिनेटमा कालुम हड्सन ओडेइले नटिङ्हमका लागि निर्णायक गोल गरेका थिए। नटिङ्हम ५१ अंकसहित तेस्रो स्थानमा छ।
यता, सिटीको ठिक विपरित अर्न स्लटको टिम लिभरपुल भने निकै उत्कृष्ट लयमा छ। लिगका ९ खेल बाँकी छँदा उसले शीर्ष स्थानमा १६ अंकको अग्रता कायम गरेको छ, र ऊ उपाधिको झन नजिक पुगेको छ।
शनिबार राति साउथह्यम्पटनमाथि ३–१को पुनरामगन जित निकालेको लिभरपुलको २९ खेलमा ७० अंक छ। २ खेल कम खेलेको आर्सनल ५४ अंकसहित दोस्रो स्थानमा छ।
साउथह्याम्पटनविरुद्ध लिभरपुललाई जित दिलाउन मोहम्मद सलाहले २ गोल गरे भने अर्को गोल डाविर्न नुनेजले गरेका थिए। साउथ ह्याम्पटनका विल स्मालबोनले गोल गरेका थिए।
यस्तै, अन्य खेलमा एस्टन भिल्लाले ब्रेन्टफोर्डमाथि १–०को जित निकाल्दा क्रिस्टल प्यालेसले इपस्विच टाउनमाथि १–० र ब्राइटनले फुलहममाथि २–१को जित निकाल्यो। वुल्भ्स र एभर्टनले भने १–१को बराबरी खेले।