आसन्न दक्षिण अमेरिकी विश्वकप छनोटमा अर्जेन्टिनाले कप्तान लियोनल मेसीबिनै खेल्ने भएको छ।
मुख्य प्रशिक्षक लियोनल स्कोलानीले विश्वकप छनोटका आसन्न दुई खेलका लागि मेसीबिनै २५सदस्यीय अर्जेन्टिनी टिम घोषणा गरेका छन्।
आइतबार बिहान भएको मेजर सकर लिगअन्तर्गतको एट्लान्टा युनाइटेडविरुद्धको सामान्य चोट लागेका कारण मेसी अर्जेन्टिनी टिमबाट बाहिरिएका हुन्। एटलान्टाविरुद्ध खेलमा मेसीको मसल्समा समस्या देखिएको बताइएको छ। इन्टर मियामी २–१ले विजयी भएको खेलमा मेसीले गोल पनि गरेका थिए।
विश्वकपको दक्षिण अमेरिकी छनोटमा अर्जेन्टिना १२ खेलबाट २५ अंकसहित शीर्ष स्थानमा छ।
अर्जेन्टिनाले छनोटको दोस्रो स्थानको रहेको उरुग्वे विरुद्ध सोमबार खेल्नेछ। त्यसपछि अर्जेन्टिनाले मार्च २५ मा घरेलु मैदानमा ब्राजिलसँग खेल्नेछ।
अर्जेन्टिनी टिम : इमिलियानो मार्टिनेज, गेरोनिमो रुली, वाल्टर बेनिटेज (गोलकिपर), न्याहुल मोलिना, क्रिस्टियन रोमेरो, जर्मन पेजेला, लियान्द्रो बेलार्डी, हुआन फोयथ, निकोलस ओटामेन्डी, फाकुन्डो मेडिना, निकोलस टाग्लियाफिगो (डिफेन्डर), लियान्ड्रो पेरेडेस, एन्जो फर्नान्डेस, रोड्रिगो डे पाउल, एक्जेक्युअल पलासिओस, एलेक्सिस म्याक एलिस्टर, माक्सिमो पेरोन (मिडफिल्डर), जुलियानो सिमोन, बेन्जामिन डोमिनग्वेज, थिएगो अल्माडा, निकोलस गोन्जालेज, निको पाज, जुलियन आल्भारेज, लाउटारो मार्टिनेज, सान्टियागो कास्ट्रो, एन्जल कोरिया (स्ट्राइकर)।