लिभरपुलका सुपर स्टार मोहम्मद सलाह अहिले करिअरकै उच्च फर्ममा छन्। सलाह उच्च फर्मममा रहँदा अर्न स्टलको टिम लिभरपुलले पनि सोही अनुसारको प्रदर्शन गरिरहेको छ।
यो सिजन उनले २६ खेलमा २० गोल र १७ असिस्ट गरेका छन्। लिभरपुलले पनि यो सिजन १ खेल मात्र हारेको छ। र, ऊ प्रिमियर लिग र च्याम्पियन्स लिग दुवैमा शीर्ष स्थानमा छ।
लिभरपुलबाट सन् २०१९–२० प्रिमियर लिग च्याम्पियन बनेका ३२ वर्षीय सलाहले यो सिजन पनि प्रिमियर लिग जित्ने चाहना भएको बताएका छन्।
टिएनटी स्पोर्ट्ससँगको कुराकानीका क्रममा उनले भनेका छन्, ‘यो सिजन च्याम्पियन्स लिग भन्दा पनि प्रिमियर लिग उपाधि जित्ने चाहना छ। अन्तिम सिजन प्रिमियर लिग जित्नसके मेरा लागि स्पेशल हुनेछ।’
एन्डफिल्ड क्लबसँग सलाहको सम्झौता अब ६ महिना मात्र बाँकी छ। अहिलेसम्म सलाहले सम्झौता नवीकरणमा कुनै चासो देखाएका छैनन्। सम्भवतः उनले सिजनको अन्त्यमा लिभपुल छाड्ने छन्।
‘पछिल्ला सात–आठ वर्षमा मैले अन्तर्वार्ताहरूमा च्याम्पियन्स लिग जित्न चाहेको बताउँथे। तर यो पहिलो पटक हो– म साँच्चै लिभरपुलसँग प्रिमियर लिग जित्न चाहन्छु,’ सलाहले भने।
३० वर्षपछि २०१९–२०मा उपाधि जित्दा कोरोना महामारीका कारणले विजयीउत्सव राम्रारी मनाउन नपाएको उनले बताएका छन्। त्यो सुदख नभएको पनि उनले उल्लेख गरेका छन्।
‘हामी ३० वर्ष पछि उपाधि जित्दा पनि विजयोत्सव चाहेजरी मनाउन सकेनौं। एन्डफिल्डमा यो मेरो अन्तिम वर्ष हो, त्यसैले म शहरका लागि केही विशेष गर्न चाहनुहुन्छ, यही कुरा मेरो दिमागमा छ,’ उनले भने।
यस्तै, सलाहले प्रशिक्षक अर्न स्लटको पनि प्रसंशान गरेका छन्। उनले सुरुमा आफूले उनी यति राम्रा भएको नसोचेको बताएका छन्।
‘अर्न स्लटसँग काम गर्नुअघि, मैले सोचेको थिइनँ कि उनी यति राम्रा छन् भनेर। त्यसपछि हामी काम गर्न थाल्यौं र उनी उत्कृष्ट थिए, म अचम्मित भइनँ,’ उनले भने,
‘उनी साना कुरामा धेरै ध्यान दिन्छन्, अहंकार देखाउँदैनन्। र, रणनीतिमा धेरै राम्रो छन्।’
सलाहले बालोन डे’ओर निकै उत्कृष्ट अवर्डा भएकोृ बताउँदै यो जित्न निकै गाह्रो भएको बताएका छन्। साथै आफूले आफैंलाई उत्कष्ट मान्ने बताउँदै सलाहले टिमका लागि उत्कृष्ट दिन चाहेने बताए।
यस्तै, सालहले रियल मड्रिडका सुपर स्टार भिनिसियस जुनियरको पनि प्रशंसा गरेका छन्। उनले भिनिसियस धेरै राम्रा खेलेको बताएका उल्लेख गरेका छन्। उनले बालोन डे’आरमा भिनिसियसलाई भोट गरेको पनि बताएका छन्।
‘उनी हरेक वर्ष सुधार गर्दैछन् र आशा छ, उनले यसलाई जारी राख्नेछन्,’ सलाहले भनेका छन्, ‘मैले उनलाई भोट दिएँ किनकि उनी यसका लागि योग्य छन्।