नेपालले एसियन कपको छनोना अन्तर्गत घरेलु मैदानमा हुने मलेसियासँगको खेल घरमा खेल्न नपाउने भएको छ।
मार्च २५ मा दशरथ रंगशाल हुने तय भएको खेल अब मलेसियामै हुुने भएको छ। खेल दशरथ रंगशालाबाट जोहोरस्थित सुल्तान इब्राहिम स्टेडियममा हुने भएको छ।
सुरुआतमा यो खेल दशरग रंगशालामा हुने तय थियो। तर, एएफसीले आफ्नो आधिकारिक वेवसाइटमा खेल जोहरमा हुने उल्लेख गरेको छ।
नेपाल र मलेसियाबीचको खेल दशरथ रंगशालामा नहुने विषयमा एन्फाले आधिकारिक रुपमा केही भनेको छैन।
एएफसी एसियन कपको छनोटमा नेपाल समूह एफमा मलेसिया, भियतनाम र लाओससँगै छ।
दशरथ रंगशालाले अन्तराष्ट्रिय मान्यता प्राप्त फुटबल खेल खेलाउने स्वीकृति नपाउँदा नेपालले होममा हुने पहिलो खेल बाहिर गएर खेल्नुपर्ने अवस्था आएको हो। नेपालले एएफसीका खेलहरु घरेलु मैदानमा खेलेको करिब २ वर्ष हुन लागेको छ।
यो पटक एएफसीले दशरथ रंगशालाको अवस्था ठीक भएपनि अभ्यासका लागि राम्रो मैदान नभएकाले खेल सरेको बताइएको छ।