नेपालले बंगलादेशसँग मैत्रीपूर्ण खेल खेल्ने

नेपालले बंगलादेशसँग मैत्रीपूर्ण फुटबल खेल्ने भएको छ । नेपालले दसैंपछि बंगलादेशमै गएर दुई मैत्रीपूर्ण खेल खेल्ने भएको हो । खेल ढाकास्थित बंगबन्धु राष्ट्रिय रंगशालामा कात्तिक २८ र मंसिर २ गते आयोजना हुने छ ।

मैत्रीपूर्ण खेल बंगलादेश फुटबल फेडेरेसनले आयोजना गरेको हो । फेडेसेसनले बुधबार एक विज्ञप्ति जारी गर्दै खेलको मितिसँगै प्रारम्भिक टिम समेत घोषणा गरेको छ।

बंगलादेशले नेपालविरुद्धको खेलका लागि पहिलो चरणको प्रशिक्षणमा ३६ जना खेलाडीलाई बोलाएको छ। नेपाली टिमले भने दशैंपछि मात्र प्रशिक्षण सुरु गर्ने भएको छ ।

एन्फाले नेपाली राष्ट्रिय फुटबल टिमको प्रशिक्षण गर्न गत सातामात्र अनुमति पाएको थियो । सोही अनुसार एन्फाले दशैं लगत्तै प्रशिक्षण सुरु गर्ने तयारी गरेको छ ।

Facebook Comments Box

Leave a Reply

Your email address will not be published.