डोनारुमा नायक बन्दा पिएसजी च्याम्पियन्स लिगको क्वार्टरफाइनलमा, लिभरपुल बाहिरियो

12 Mar, 2025

पिएसजी च्याम्पियन्स लिगको क्वार्टरफाइनलमा प्रवेश गरेको छ। यो सिजनको सबैभन्दा इनफर्म क्लब लिभरपुललाई पेनाल्टी सुटआउटमा ४–१ले हराउँदै पिएसजी क्वार्टरफाइनलमा पुगेको हो।

बुधबार राति एन्डफिल्ममै भएको दोस्रो लेगमा पिएसजीले लिभरपुललाई १–०ले हरायो। पहिलो लेगम लिभरपुल पनि १–० ले नै विजयी भएकाले खेल १–१को बराबरीमा सकियो।

त्यसपछि थप गरिएको ३० मिनेटको समयमा पनि थप गोल नहुँदा खेल पेनाल्टी सुटआउटम गएको थियो। जसमा गोलकिपर जियानलुजी डोनारुमा नायक बनेपछि पिएसजी विजयी भयो।

डोनारुमाले लिभरपुलका २ पेनाल्टी बताएका थिए। उनले डार्विन नुनेज र कर्टिस जोन्सको पेनाल्टी बचाएका थिए। उसका मोहम्मद सलाहले मात्र गोल गर्न सके।

यता, पिएसजीका चारै पेनाल्टी गोलमा परिणत भएको थियो। उसका भिटिन्हा, उसमान डेम्बेले, गोन्सालो रामोस र डिसेरे डुएले गोल गरेका थिए।

त्यसअघि निर्धारित समयमा १२औं मिनेटमा डेम्बेलेले गोल गर्दै पिएसजीलाई खेलमा कायम राखेका थिए। उसले त्यही अग्रता अन्त्यसम्म जोगाएको थियो।

खेल भने पूर्ण रुपमा लिभरपुलको निणन्त्रणमा थियो। अझ दोस्रो हाफमा लिभरपुलले पिएसजीको पोस्टमा निरन्तर आक्रमण गरे पनि गोल भने गर्न सकेन। डोनारुपमा केही उत्कृष्ट बचाउ गरेका थिए।