पिएसजी च्याम्पियन्स लिग फुटबलको नकआउट चरणमा प्रवेश गरेको छ। अर्को फ्रेन्च क्लब ब्रेस्टमाथि १०–०को फराकिलो जितसहित पिएसजी अन्तिम १६मा पुगेको हो।
नकआउट प्लेअफको पहिलोले ३–०ले जितेको पिएसजीले दोस्रो लेगमा गोलको वर्षा गर्दै ७–०ले जितेको थियो। उसले पहिलो हफका २ र दोस्रो हाफमा ५ गोल गरेको थियो।
खेलमा पिएसजीका फरक सात खेलाडीले गोल गरे। उसका लागि ब्राड्ली बार्कोला, ख्रिचा कावाराच्खेसिला, भिटिन्हा, डेसिर डोउ, नुनो मेन्डेस, गोन्सालो रामोस र सेनी मायुलुले गोल गरेका थिए।
यस्तै, इटालियन क्लब युभेन्ट्स भने अन्तिम १६मा पुग्न असफल भएको छ। पहिलो लेगमा प्राप्त जितका बाबजुद दोस्रो खेलमा पिएसभीसँग ३–१ले पराजित हुँदै युभेन्ट्स च्याम्पियन्स लिगको नकआउटमा पुग्न असफल भएको हो।
युभेन्ट्स पिएसभीसँग समग्रमा ४–३ले पराजित भयो। पहिलो लेगमा युभेन्ट्स १–०ले विजयी भएको थियो।
योसँगै इटालीबाट इन्टर मिलान मात्र नकआउटमा पुगेको छ। ऊ सिधै नकआउटमा पुगेको थियो। युभेन्ट्ससँगै एसी मिलान र एट्लान्टा प्लेअफमा पुगेपनि कसैले पनि जित निकाल्न सकेनन्।
यस्तै, बोरुसिया डर्टमन्ड पनि नकआउटमा पुगेको छ। नकआउटमा स्थान बनाउने क्रममा उसले प्लेफमा पोर्चुगिज क्लब स्पोर्टिङ सिपीलाई ३–०ले हरायो।