सावित्रा भण्डारी साम्बाले फ्रान्सको शीर्ष डिभिजनको लिग डिभिजन वान फिमिनिनमा डेब्यू गरेका छन्। दुई दिनअघि फ्रेञ्च क्लब गेनगम्पमा आबद्ध भएकी साम्बाले शनिबार डेब्यू गरेकी हुन्।
बोर्डेक्सविरुद्धको खेलमा उनी दोस्रो हाफम मैदान छिरेकी थिइन्।
७६ मिनेटमा रेसरिन बाहलोएलीको स्थानमा सम्बा मैदान छिरेकी हुन्। उनी २८ नम्बरको जर्सी लगाएर मैदान छिरेकी थिइन्।
यससँगै उनी युरोपको शीर्ष पाँच मध्येको एक लिग खेल्ने नेपालको पहिलो खेलाडी बनेकी छिन्।
साम्बाले डेब्यू गरेको खेलमा उनको क्लब भने एक एक गोलको बराबरीमा रोकियो। १२ टिम सहभागी लिगमा साम्बाको टिम ९ अंक जोड्दै दशौं स्थानमा छ।