साउदी प्रो लिगम दुई हेभिवेट क्लबहरू अल नासर र अल हिलाल पराजित भएका छन्। शुक्रबार राति भएका खेलमा अल नासर अल ओरोबसँग र अल हिलाल अल अहिलससँग पराजित भयो।
शुक्रबार राति भएको खेलमा क्रिस्टयानो रोनाल्डोको टिम अल नासर अल ओरोबसँग २–१ ले पराजित भयो। खेलमा अल ओरोबका लागि ओमार अल सोमह र जोहान ब्रेग गौमुडसनले गोल गरे भने अल नासरका लागि नवाफ बोउसलले गोल गरे।
अल नासरले खेल पूर्ण रुपमा नियन्त्रणमा लिए पनि जित भने निकाल्न सकेन। अल नासरले २२ सट प्रहार गर्दा ९ सट फ्रेममा थियो। यता, ओरोबले ७ सट प्रहार गर्दा २ सट फ्रेममा थियो।
यस्तै, अर्को खेलमा अल हिलाल अल अहिलसँग ३–२ले विजयी भयो। प्रतिस्पर्धात्मक खेलमा अल अहिललाई जित दिलाउन इभान टोनीले ह्याट्रिक गरे। उनले खेलको ४७, ५३ र ८७औं मिनेटमा गोल गरेका थिए। यता, अल हिलालका सलिम अलदवासरी र मार्कस लियोनार्डोले गोल गरेका थिए।
प्रो लिगमा अल हिलाल ५१ अंकसहित दोस्रो स्थानमा छ भने अल नासर ४७ अंकसहित तेस्रो र अल अहिल ४७ अंक नै जोड्दै चौथो स्थानमा छ।