इंग्लिस प्रिमियर लिगमा ब्राइटनले टोटनहममाथि शानदार जित निकालेको छ। बिहीबार राति सम्पन्न खेलमा ब्राइटनले टोटनहममाथि ४–२ को जित निकाल्यो।
ब्राइटनको जितमा जाओ पेड्रोले २ गोल गरे भने ज्याक हेन्सलवुड र प्रेभिस स्टुपिनाले पनि गोल गरे। टोटनहमका लागि एलेजो वेलिज र बेन डेभिसले गोल फर्काए।
११औं पेड्राको पासमा हेन्सलुवडले गोल गर्दै ब्राइटनलाई सुरुआती अग्रता दिलाए। पोड्रो २३औं मिनेटमा प्राप्त पेनाल्टीमा गोल गर्दै टिमको अग्रता दोब्बर बनाए।
पहिलो हाफमा २–०को अग्रता लिएको ब्राइटनले ६३औं मिनेटमा ३–०को अग्रता बनायो। उसका स्टुपिनाले गोल गरेका थिए। ७५औं प्राप्त पेनाल्टीमा पेड्रोले गोल गरेपछि खेलमा ब्राइटनले ४–०को अग्रता बनायो।
त्यसपछि ४ मिनेटमा २ गोल गर्दै टोटनहमले खेलमा फर्कने प्रयास गरेको थियो। तर, थप गोल भने गर्न सकेन। उसका लागि ८१औं मिनेटमा बेलिज र ८५औं मिनेटमा डेविसले गोल गरेका थिए।
जितसँगै ब्राइटन ३० अंक बनाएर तालिकाको आठौैं स्थानमा उक्लदा टोटनह्याम भने ३६ अंकका साथ पाँचौं स्थानमै छ।