२४औं आहा रारा गोल्डकपको अन्तिम क्वाटरफाइनलमा आज भारत सिक्किमको थन्डरबोल्ट नर्थ युनाइटेड र उज्वेकिस्तानको ब्ल्याक बुल्स एफसीबिच प्रतिस्पर्धा हुँदैछ।
दुवै टिम पहिलोपटक आहा गोल्डकपमा सहभागी भएका हुन्। ब्ल्याक बुल्सले सिधै क्वाटरफाइनलमा प्रवेश पाएको थियो भने थन्डरबोल्टले दुईपटकको च्याम्पियन संकटा क्लबलाई ३–१ ले हराउँदै अन्तिम आठमा स्थान बनाएको थियो। थन्डरबोल्टले १–० ले पछि परेको खेलमा कमब्याक गर्दै जीत निकालेको थियो।
पोखरा रंगशालामा भइरहेको यस खेलको विजेताले ५ पटकको विजेता थ्री स्टार क्लबको सामना गर्नेछ। मच्छिन्द्र फुटबल क्लबलाई टाइब्रेकर ४–२ ले हराउँदै थ्री स्टार सेमिफाइनल प्रवेश गरेको थियो। यसअघि नेपाल पुलिस क्लब पनि सेमिफाइनलमा पुगिसकेको छ।