नेपाली राष्ट्रिय यू–२० महिला टिमले चाइना युनान युथ वुमन्स टिमसँग मैत्रीपूर्ण फुटबल खेल्ने भएको छ।
यो खेल काठमाडौंको त्रिपुरेश्वरस्थित दशरथ रंगशालामा माघ १७ गते हुनेछ। मैत्रीपूर्ण खेल एन्फा, युनान विश्वविद्यालयको द स्कुल अफ फिजिकल एजुकेसन र नेपाल ओभरसिज चाइनिज एसोसिएसनको आयोजनामा हुनेछ।
खेलका लागि एन्पाmले यामप्रसाद गुरुङलाई मुख्य प्रशिक्षक नियुक्त गरेको छ। यस्तै, सहायक प्रशिक्षकको जिम्मेवारी सन्देशकुमार श्रेष्ठलाई दिइएको छ भने गोलकिपर प्रशिक्षकमा सञ्जिव जोशी छन्।
एन्फा महासचिव किरण राईले उनीहरू सबैलाई सातदोबाटोस्थित एन्फा मुख्यालयमा नियुक्तिपत्र हस्तान्तरण गरेका छन्।