बायर्न, बार्सिलोना र इन्टर मिलान च्याम्पियन्स लिगको क्वार्टरफाइनल

12 Mar, 2025

जर्मन क्लब बायर्न म्युनिख, स्पेनिस क्लब बार्सिलोना र इटालियन क्लब इन्टर मिलान च्याम्पियन्स लिगको क्वार्टरफाइनलमा प्रवेश गरेको छ।

मंगलबार राति भएको दोस्रो लेगमा बायर्नले जर्मनकै अर्को क्लब बायर लेभरकुसनलाई २–०ले हरायो। योसँगै उसले समग्रमा ५–०को जित निकाल्दै बायर्न क्वार्टरफाइनलमा पुगेका ेहो।

बायर्नको जितमा ह्यारी केन र अल्फन्सो डेविसले गोल गरेका थिए। दुवै गोल दोस्रो हाफमा सम्भव भएको थियो।

यस्तै, अर्को खेलमा बार्सिलोनाले दोस्रो लेगमा पोर्चुगिज क्लब बेन्फिाकालाई ३–१ हरायो। खेलमा बार्सिलोनाका लागि राफिन्हाले ११ र ४२औं मिनेटमा गोल गर्दा लमिन यमालले २७औं मिनेटमा गोल गरेका थिए।

यता, बेन्फिका निकोलस ओटामेन्डीले १३औं मिनेटमा गोल गरेका थिए। योसँगै बार्सिलोनाले समग्रमा ४–१को जित निकाल्यो। पहिलो लेगमा बार्सिलोना १–०ले विजयी भएको थियो।

क्वार्टरफाइनलमा स्थान बनाउने क्रममा इटालियन क्लब इन्टर मिलानले डच क्लब फेयनूर्डमाथि समग्रमा ४–१को जित निकाल्यो। उसले मंगलबार राति भएको दोस्रो लेगमा २–१को जित निकाल्यो।

खेलमा उसका लागि मार्कस थुराम र हाकन जोलुनालुले गोल गरेका थिए। थुरामले ८औं र जोलुनोलुले ५१औं मिनेटमा गोल गरेका थिए।

अब क्वार्टरफाइनलमा इटन्टरले बायर्न म्युनिखसँग खेल्ने छ।