आईपिएलमा गुजरात टाइटन्स विजयी भएको छ। आइतबार राति भएको खेलमा गुजराजतले पञ्जाब किंग्समाथि ३ विकेटको जित निकाल्यो।
पञ्जाबले दिएको १४२ रनको सामान्य लक्ष्य गुजरातले ७ विकेट गुमाए पाँच बल बाँकी छँदै पार गर्यो। उसका लागि राहुल टेवाटियाले १८ बलमा ७ चौका प्रहार गरी ३६ रन बनाएर नट आउट रहे।
त्यसअघि ओपनर तथा कप्तान शुभमन गिलले २९ बलमा ५ चौका प्रहार गरी ३५ रन बनाउँदा साइ सुदर्शनले ३४ बल खेलेर ३ चौका प्रहार गरी ३१ रनको योगदान गरे।
बलिङमा पञ्जाबका हर्षल पटेलले ३ तथा लियम लिभिङस्टोनले २ विकेट लिए भने साम करण र अर्शदीप सिंहले समान १ विकेट लिए।
पहिले ब्याटिङ गरेको पञ्जाबका ओपनर प्रबसिमरन सिंहले सर्वाधिक ३५ रन जोडे। यस्तै, हरप्रित ब्रारले २९ कप्तान साम करणले २० रन बनाएका थिए।
बलिङमा गुजरातका साइ किशोरले ४ विकेट लिए भने मोहित शर्मा र नूर अहमदले २र२ विकेट तथा रसिद खानले १ विकेट लिए।
८ खेलबाट ८ अंक जोडेको गुजरात तालिकाको छैटौं स्थानमा र ४ अंक जोडेको नवौं स्थानमा छ।