ढोरपाटन महिला भलिबल डबल लिग च्याम्पियनसिप हुने भएको छ। प्रतियोगिता नयाँ बसपार्कस्थित ढोरपाटनको खेलमैदानमा माघ १२ देखि २२ गतेसम्म सञ्चालन हुनेछ।
आयोजक ढोरपाटन क्लबले च्याम्पियनसिपको विजेताले ५ लाख १ हजार रुपैयाँ प्राप्त गर्ने जनाएको छ। यस्तै उपविजेताले २ लाख ५० हजार रुपैयाँ पाउँदा तेस्रो हुने टिमले१ लाख २५ हजार, चौथो ७५ हजार, पाँचौंले ५० हजार र छैटौं हु टिमले २५ हजार रुपैयाँ प्राप्त गर्नेछन्।
यस्तै, सर्वोत्कृष्ट खेलाडीलाई स्कुटर दिइने आयोजकले जनाएको छ। विधागत उत्कृष्ट खेलाडीले जनही ५ हजार रुपैयाँ पाउनेछन्।
प्रतियोगिताको कूल बजेट ५१ लाख ५ हजार रहेको मंगलबार अयोजित पत्रकार सम्मेलनका जानकारी दिइयो।
राष्ट्रिय खेलकुद परिषदको समन्वय र नेपाल भलिबल संघको संयोजकत्वमा हुने च्याम्पियनसिपमा मेडिकल पार्टनरको रुपमा बसुन्धारास्थित चिरायु हस्पिटल र मिडिया पार्टनरमा हाम्रो खेलकुद डटकम छन्।