क्रिकेटर दिपेन्द्र सिंह ऐरीले टी–२० विश्वकपको एसियाली छनोटका सबै खेल गुमाउने संभावना बढेको छ ।
सोमबार सिंगापुरसँगको खेलअघि अभ्यास गर्ने क्रममा ऐरीको देब्रे गोलीगाँठोमा चोट लागेको थियो । त्यसैले उनको ठाउँमा सिंगापुरसँगको खेलमा विवेक यादवलाई बप्लेइङ ११ मा राखिएको थियो ।
ऐरीलाई घाइते भए लगत्तै उपचारका लागि मेडसिटी अस्पताल लगिएको थियो । अस्पतालबाट उनी ब्यान्डेज बाँधेर र बैशाखी टेकेर त्रिवि क्रिकेट मैदान कीर्तिपुरमा फर्केका थिए ।
‘उहाँको ट्यालो फिबुलर लिगामेन्ट च्यातिएको छ, उहाँलाई जतिसक्छो टिममा फर्काउन क्यान र हामी मेडिकल टिम प्रयासरत छौं’, नेपाली क्रिकेट टिमका डाक्टर अभिशेक सिंहले बताए।
ऐरीले ब्याटिङ, बलिङ र फिल्डिङ तीनै विधामा राम्रो प्रदर्शन गर्दै आएका थिए ।
पहिलो खेलमा सिंगापुरलाई ८ विकेटले हराएको नेपालले भोलि दिउँसो सवा १ बजे मलेसियासँग खेल्ने छ ।